Gazetari Bozhinovski thotë se Ali Ahmeti organizoi eliminimin e vëllezërve Gërvalla [dokument]

            

Faridin Tafallari  

TI I DI DORËVRASËSIT E JUSUF GËRVALLËS!!! TREGOI PRA O HYSEN GEGA...!!!

            

QË NGA MOMENTI I VRASJES SË TRE YJEVE TË PASHUAR, JUSUF DHE BARDHOSH GËRVALLA E KADRI ZEKA, NË ATË 17 JANAR OGURZI TË VITIT 1982, E DERI MË SOT, PRA PËR 32 VITE RRESHT, U THA E ÇFARË NUK U THA, U SHKRUA E ÇFARË NUK U SHKRUA PËR KËTË VRASJE, ME E PA ARGUMENTE... DISA SHKRUAN ME QËLLIME DJALLEZORE E DISA IA FUTËN KOT SA PËR TË THËNË DIÇKA, BASH ASHTU SIÇ THUHET NË POPULL SE, NJË BUDALLË E HEDH NJË GUR NË LUM E NJËQIND TË MENÇUR NUK E NXJERRIN DOT!!!... DHE DËRI NË DITËT E SOTME ASGJË KONKRETE NUK KA DALË NË DRITË PËR VRASËSIT E VËRTETË TË TRE TRIMAVE!!!

NUK KA ASNJË DYSHIM SE, ATË KRIM E BËRI UDB-a, POR CILI ISHTE AI, APO CILËT ISHIN ATA, SPIUNËT UDBASHË SHQIPFOLËS, QË NDIHMUAN NË KËTË KRIM TË RËNDË, QË DO T’I KUSHTONTE SHTRENJTË JO VËTËM KOSOVËS POR DHE MBARË KOMBIT SHQIPTAR?!?

...DHE ËSHTË PËR TU HABIT SE, ATA, QË ISHIN PRANË TYRE (VETËM DY NET PARA SE TË VRITESHIN TRIMAT) E DINË MË MIRË SE, SI KANË RRJEDHUR NGJARJET E ASAJ VRASJE!? POR, AMA, ATA KURRË DHE ASNJËHERË NUK U PYETËN NGA ASKUSH!?..DHE SOT ËSHTË FJALA PËR ORGANET E DREJTËSISË SË REPUBLIKËS SË KOSOVËS…!?

E pra, tash e 32 vite vetëm fjalë, fjalë pa krye e pa fund për këtë vrasje, e cila ju morri jetën TRE BIJVE TË KOSOVËS, TRE YJEVE të KOMBIT SHQIPTAR...Dhe më e bukura, i tjerrin fjalët kot së koti tamam si ato plakat, kur nuk mund të bëjnë punë të tjera veç të tjerrin lesh!? Kështu po ndodh edhe sa here që, Ibrahim Kelmendi e hedh një rrenë për vrasjen e tre shokëve të “tij” Jusuf e Bardhosh Gërvalla dhe Kadri Zeka!? Ibrahimi e di më së miri realitetin e kësaj çështje, por ja që nuk e ka thënë akoma të vërtetën!? Ai e di dhe e njeh mirë edhe informatorin... por ama i njeh edhe vrasësit!?...

Po sa Ibrahimat po kakarisin sot vend e pa vend, me rrena e shpifje të paskrupullta...dhe ne kështu po merremi me vetëveten, me akuza, shpifje, kundërakuza, thënie e kundërthënie. Të përçarë e të ndarë nëpër gjashtë shtete e mbi dyqind parti, jo vetëm jemi duke mos bërë asnjë hap përpara drejt bashkimit e të bashkuar të ecim për qëllimin tonë final, atë të RIBASHKIMIT MBARËKOMBËTAR, por po jetojmë së bashku me spiunët e tradhëtarët shqipëfolës! Janë ata, që na spiunuan, ata që na tradhëtuan, ata, që na vranë pas shpine shokët tanë të idealit... dhe ne i mbyllëm e po vazhdojmë t’i mbyllim sytë e veshët, para këtij realiteti shumë të hidhur e shumë të rrezikshëm!!!

Çështja është këtu se, tolerimi ynë, që po ua bëjmë spiunëve e tradhëtarëve udbashë, shqipfolës, na ka kushtuar shumë shtrejtë, por dhe po na kushton edhe sot e kësaj dite!?

Dhe të tilla raste kemi shumë, por unë do të marrë shembullin e hidhur të ish bashkëveprimtarit tim të dikurshëm,të nderuar, njëherit dhe ish-shoku im i ngushtë Hysen Gega, i cili edhe më dha shtysë të shkruaj, në bazë të shkrimit të tij, të botuar, më 26 janar 2014, në portalin e njohur “pashtriku.org”!?

Në atë shkrim të Hysen Gegës, bëhet fjalë për një periudhë kohore, të para 32 viteve dhe ai, akoma vazhdon të hesht, për shumëçka, që di?!!, a duhet të presim edhe 32 vite të tjera për ta thënë të vërtetën?! Hyseni e di mirë se, për rënjen e tij në burg, ishte i tradhëtuar, pikërisht nga Ibrahim Kelmendi, i cili e dërgojë në Kosovë me detyrën e atentatorit!?! Ibrahimi e dërgoj Hysenin bashkë me superspiunin-kriminelin e Udbë-s fashiste të ish-Jugosllavisë, me atë të pabesin, shërbëtorin, bythëlëpirësin e shkijeve dhe të shkinave, Sadik Blakajn, nga Istogu (Burimi) i Pejës!?

Hyseni po hesht, por ngjarjet tragjike që ndodhën një pas një dhe për të cilat ai i di mjaft mirë, kanë qenë dhe janë humbje të mëdha për mbarë shqiptarinë!? Dhe Hyseni a thua nuk e kupton këtë, apo po bëhet ashtu, sikur nuk e kupton!?!

Pra pas rënjes së tij në burg, pos vetëvetes, ai rrezikoi edhe shumë shokë, të cilëve ju morri adresat, para se të nisej për misionin e tij, kinse për tu strehuar deri sa do t’i kryente atentatet (që nuk i kreu kurrë), të cilat i kishte të shënuara, duke filluar nga Mahmut Bakalli, Dushan Ristiçi dhe shumë Mahmuta e Dushana të tjerë!

Por gjëma më e madhe, që tronditi mbarë shqiptarinë, ndodhi me vrasjen e shokëve tanë të idealit të shtrenjtë, Jusuf e Bardhosh Gërvalla dhe Kadri Zeka, pikërisht mbas dymbëdhjetë muajve e shtatëmbëdhjetë ditëve, të rënies së Hysenit në burg!?!...

Dhe pas lirimit nga burgu, Hyseni,nuk u bë burrë që, qoftë edhe një here të vetme të interesohej se, si ndodhi gjithë ajo tragjedi tronditëse, vrasje e trefishtë e shokëve të tij të idealit, në tokën gjermane, gjë që nuk mbahej në mend të kishte ndodhur ndonjëherë!?

Hysen Gega, në gusht të 1990-tës, erdhi për të rregulluar dokumentet e tij, në Esslingen, në firmën “Nokia”, në të cilën kishte punuar, sa kishte qenë në Gjermani, para se të burgosej.

Por dhe në takimin tim me të, mbeta disi i habitur se, ai nuk hyri fare në bisedë, për të gjitha ato që kishin ngjarë, a thua të mos kishte ndodhur asgjë!?...Dhe tregohej aq i largët me mua, sikur po shiheshim për herë të parë!?? Ndërsa për mua ngjarjet e ndodhura ishin me shumë interes dhe disa herë tentova të hy në këto biseda, por ishte e kotë!? Ai u bë sikur t’i kishte ndodhur dikujt tjetër dhe jo atij (neve)!?!

Ardhja e Hysenit, pas dhjetë viteve, më gëzoi vërtetë se, kishim një dekadë, që nuk ishim parë, më kishte marrë malli, ai në burg e unë në mërgim, aq më shumë, për ta parë si shokun, bashkëveprimtarin tim, dikur shumë i nderuar dhe i besuar për mua…

Për Hysenin, sinqerisht, ruaja një respekt edhe pse ai i kishte bërë disa veprime jo të mira, por aq edhe të pabesuara para shkuarjes së tij në Kosovë, duke bërë disa muhabete fshehurazi me Dem Demën, Sadik Blakajn e Ibrahim Kelmendin, nëpër guzhina e nëpër do qoshe të errta...!?

Gabimin më të madh e bëri që, pranoi të shkonte në Kosovë me kryekriminelin e Udbë-s jugosllave shqipfolësin Sadik Blakaj... dhe aq më tepër shkoi pa u konsultuar me Jusufin, gjoja me pretekstin, sipas tij, se, Jusufi nuk ishte për atentate?!?

Por mesa ndodhi, ai e kishte pasur parasysh se, çdo gjë mund t’i ndodhte, sepse u nis me një spiun dhe tradhëtar të njohur!? Dhe, kur unë i thashë, me plotë gojën se, përse po shkon me këtë njeri të pabesë, ai mu përgjigj se, do të behem kurban i Jusufit dhe i Ibrahimit!!! E përse kurban i tyre??!...

Unë me shumë të drejtë, bile me forcë i them Hysenit se ti u bëre kurban i Ibrahimit, sepse nuk ke pasur asnjë arsye të bëheshe kurban i tij se, për atë asnjëherë nuk u zu në gojë emëri i tij, që ai paska qenë i ndjekur nga UDB-A!!?

Për Jusufin e Madh po, që ishte në shënjestër të UDB-së, për Të vinin porositë, që të ketë kujdes se, Udb-a ka përgatitur spiunët dhe po punon për vrasjen e Jusufit!? Dhe ndodhi ajo, gjëma, tragjedia!!! U vra JUSUF GËRVALLA!!! U VRANË TRE YJET E PAVDEKËSISË!!!...

Po çfarë kurbani u bëre ti o Hysen, për Jusufin??! Jusufin e vratë pas një viti nga rënja jote në burg??! Jusufi me Bardhoshin dhe shokun e tij Kadri Zeka u vranë para derës së shtëpisë... Kurse ti u sorollate nja 10 ditë, nëpër Prishtinë, duke luajtur rolin e një “artisti”, si budall, i maskuar edhe si lyps, deri sa i harxhove ato marka, që t’i dhashë e që t’i morri Sadiku e ti mbete me koqe në dorë!? Sepse Sadiku të la në rrugë si qyqar, për të të kapur milicija, gjë që ashtu ndodhi!? Dhe kur ti shkove në shtëpi, akoma pa u përshëndetur me familjen tënde, pa u gdhirë, në mëngjesin e 1 janarit 1981, u gjete i rrethuar nga turma të milicisë serbosllave!?...Duarlidhur, duke të shtyrë, si të çmendur, (mu si udbashët e ish-Jugosllavisë, shokët e Ibrahimit) të dërguan drejt e në burgun e Prizrenit. Por edhe pse bërtisje me zë të lartë, duke sharrë regjimin e Tito shkjaut, me britmat e tua vetëm sa e kishe zgjuar lagjen tënde nga gjumi, në mëngjesin e vitit të Ri 1981!!!

Hyseni, me një fjalë, ju shkoi si cjapi te kasapi... !!!Si e thashë më lart, ai kishte dhe shumë adresa të shokëve me vete dhe të gjitha këto adresa ranë në dorë të milicisë, e të gjithë shokët tashmë, hynë në listën e të ndjekurëve të rrezikshëm për Udb-ën...!!!

Jahir Jahiri,kishte shkuar në shtëpi, në Kosovë, për pushimin dimëror. Hyseni dhe Sadiku me Nysretin, të dashurën e udbashit Sadik Blakaj, i shkuan në shtëpi Jahirit, në fshatin Slivovë, në orët e vona, pas mesnate... dhe kur hyri Hyseni u prezantua, duke e gënjyer se, Sadikun e kishte dhëndërr, kurse “Dianën” vajzë “teze”!?! Pas rënjes së Hysenit në burg, Sadik krimineli përsëri shkon te Jahiri dhe i kërkon edhe 1000 marka dhe një revole Jahirit!? Por Jahiri i thotë se, nuk kam më se, herën e parë u kishte dhënë 1000 marka dhe një revole, prandaj nuk kam më tjetër...Jahiri e pyet Sadikun se, çfarë u bë me atë revole, që ia dhashë Hysenit!? Sadik qeni i përgjigjet se,” aaa, plumbat kishin qenë të lagur dhe nuk i bënë punë, nuk i krisën”, duke e përqesh Hysenin...

Prandaj lind një pikëpyetje e madhe për Hysenin!? Përse ky asnjëherë nuk i tregojë këto, që ndodhën nga nisma e tij, bile edhe shumë të tjera, që ai i di?! Ky, Hyseni, jo vetëm që nuk i ka treguar, por as që i ka përmendur ndonjëherë, dhe as që e zë në gojë atë njeri, që e dërgojë në Kosovë, gjoja për të kryer atentate!?!

Dhe këtu është fjala për Ibrahim Kelmendin, kur dihet fare mirë se, ky ishte ai, i fundit, që i përcolli dhe u nda i fundit nga Hyseni dhe Sadiku?!?

Ibrahimi e përcolli Hysenin me një kriminel të Udb-ës, Sadik Blakajn dhe me të ndjerin, bacën Ramadan, babai i Nami Ramadanit. Baca Ramadan dhe Namiu e pranuan me respekt Sadikun, së bashku me një lavire, duke e futur në familjen e tyre, duke menduar se, është atdhetar!? Kështu që me besim të plotë ndaj Sadik udbashit e strehuan me gjithë kurvën Diana, madje duke e gënjyer të zotin e shtëpisë se, ajo shkinë, Diana, ishte gruaja e tij!? Dhe këtë peshqesh Nami Ramadanit ia bëri Hysen Gega!?

...Për në vendlindje, Hyseni, u nis bashkë me Sadikun e Nysretin, po dhe me bacën Ramadan, me makinën e tij të mbushur plotë e përplotë me Statutin e “Frontit të Kuq Popullor”, organ, të cilin e kishte nxjerrë Jusufi në vitin 1980, në kohën kur nuk e dinte se Fronti i Kuq është krijesë e UDB-së. Është burgosja e Hysen Gegës që i jep Jusufit baza të mjaftueshme dyshimi se pas Frontit të Kuq qëndron vetë UDB-ja.

UDB-a, nëpër mes Ibrahimit, si dora e tyre e djathtë, me “Frontin e Kuq Popullor” përgatiste terrenin, për t’i futur në kurth patriotët dhe atdhetarët, gjë, që për këtë prejardhje të “Frontit Kuq Popullor”, e pranon dhe e ka shkruar vetë kryetari “Frontit të Kuq Popullor” Ibrahim Kelmendi, se ishte pjellë dhe prodhim i UDB-ës, në librin e tij “Atentatet”!!!

UDB-ja si bashkëthemeluese dhe emërtuese e Frontit të Kuq

Ibrahim Kelmendi: ”Më vonë vendosëm për organizim legal, me bashkatdhetarë të tjerë, duke anashkaluar Xhavitin, meqë për te krijova përshtypje se ishte informator i UDB-së, i urdhëruar për t’u anëtarësuar në PKGj/M-L, që të informonte për veprimtarinë e kësaj partie komuniste sigurimet e fshehta jugosllave dhe gjermane. Kurse për Proletarin formova përshtypjen se ishte një dogmat primitiv.”(Atentatet, Prishtinë 2007, faqe 40)

Xhahili (Xhaviti), informatori i UDB-së propozon emërtimin "Fronti i Kuq"

Ibrahim Kelmendi: "Xhahili propozoi ta emërtonim ’Fronti i Kuq’, duke arsyetuar se duhet të ndjekim shembullin e organizatave çlirimtare “Brigada Rosa”, “Rote Army Fraktion”, etj. Proletari propozonte ta quanim “Partia Komuniste e Kosovës /Marksiste-Leniniste”, duke arsyetuar se vetëm komunistët mund të bëjnë revolucion të vërtetë proletar. ...Me këtë demagogji të Proletarit, ata dolën fitues, sado që edhe unë avullnetshëm u dakordova me propozimin e tyre. Edhe tani mendoj se emri që kemi miratuar është tepër bombastik e provokues.” (Atentatet, Prishtinë 2007, f.41-42)

Jusuf Gërvalla: "Sa për organizatën e bashkuar rreth organit ”Bashkimi”, më duket se pak dobi mund të kemi nga iniciativa për bashkim e bashkëpunim me ta. Së paku përsa shihet te udhëheqësi i kësaj organizate në botën e jashtme, nuk ekziston përshtypja për organizim të mirëfillte dhe as për ndonjë organizatë të fuqishme numerikisht. Megjithatë, po ta shihni ju të arsyeshme, ndoshta do të mund të realizohej mundësia që shokëve të Lëvizjes në Kosovë t’u jepet lidhja me përfaqësuesin e “Bashkimit” në Kosovë. Megjithëqë, për sa kam mundur të marr vesh, atje, në radhët e kësaj organizate, apo ndoshta në qendër të saj, ndodhet një njeri i dyshimtë, njëfarë Blakaj, që punoka në Entin e Sigurimit Social në Prishtinë. Sa për mua unë njëherë për njëherë, pas numrit të fundit të “Bashkimit”, të cilin ta kam dërguar, të gjitha marrëdhëniet me përfaqësuesin e tij të këtushëm i kam ndërprerë. Këshilla për ndërprerjen e marrëdhënieve me të kam pasur edhe nga ana e diplomatëve shqiptarë në Vjenë." (Letër Sabri Novosellës, 13 maj 1981. E botuar për herë të parë në librin e Faridin Tafallarit, ME TRE YJET E PAVDEKËSISË NË ATO VITE TË STUHISHME, Tiranë 2010, faqe 261-266)

Burgosja e Hysen Gegës e bënë Jusufin që t'i ndërprej të gjitha marrëdhëniet me Ibrahim Kelmendin, që faktikisht ishte edhe fundi i Frontit të Kuq. E vetmja ekzistencë e Frontit të Kuq pas dhjetorit 1980-janarit 1981, ka qenë në reklamën që kësaj krijese të vetë ia ka bërë UDB-ja.

Po e pyes Hysenin se, pas vdekjes së babait të Namiut bacës Ramadan, a i ka bërë së paku një telefon për ngushëllim për vdekjen e bacës Ramadan?! Sepse edhe ai, baca Ramadan, u kap në një makinë së bashku me Hysenin dhe Sadik Qenin, sepse edhe ai i vuajti torturat e tmerrëshme të UDB-ës dhe u dënua me burg!!!

Edhe Ibrahimi i dha disa adresa Hysenit, për tu strehuar në Kosovë, dhe kur Hyseni kishte ditë që ndodhej në Kosovë e duhej të strehohej në ato vende, përsëri Ibrahimi e rekomandonte me telefon nga Gjermania se, ku duhej të strehohej!? Në këto biseda telefonike, nga kabinat, ndodhesha edhe unë brenda në kabinë, sepse jashtë bënte ftohtë dhe e dëgjoja mirë zërin e Hysenit nga recepsioni, që fliste me Ibrahimin. Hyseni i thoshte se, në ato vende, ku ti m’i ke dhënë adresat,ata nuk na pranojnë kur po marrin vesh se, jam me Sadik Blakajn?!!...

Për të vrarë Jusuf Gërvallën, UDB-a titiste kishte ngritur dhe përgatitur tërë aparatin shtetëror kriminalistik dhe spiunët e udbashët më të sprovuar, për ta ndjekur e për t’i informuar se, ku ndodhej Jusuf Gërvalla!!! Pra ai ishte rregullisht në përcjellje nga spiunët dhe tradhëtarët...

... Kështu që, filluan të vinë informatat edhe nga Kosova se,Jusuf Gërvalla ishte në shënjestër të UDB-s!!!... Jusufi banonte bashkë me vëllanë, Bardhoshin, si edhe me familjet e tyre, në rrugën Habithtohestr.40, në Untergrupenbach...

...Jusufi ishte në dijeni, të asaj, që pregatitej kundra tij!? Ai më kishte treguar edhe mua se, te Ibrahim Kelmendi, kishte dyshime dhe këto dyshime m’i tha në një takim, duke më treguar disa nga dyshimet e tij dhe duke më thënë se, i kam thënë Ibrahim qenit, që mos të më afrohet te banesa ime, më shumë se 50 metra…!!! Po të njëjtin dyshim, për Ibrahim Kelmendin, ka pasë edhe Bardhoshi, vëllai i Jusufit,i cili e ka pyetur Nami Ramadanin se, a kishte besim tek Ibrahimi?! Namiu i është përgjigj se, po kishte besim, ndërsa Bardhoshi i është kundërpërgjigjë se, nuk kishte BESIM TEK IBRAHIMI, “ne nuk I besojmë atij”...!!!

Jusufi ishte guximtar, ishte aq trim, sa që edhe pse dyshonte, nuk e ndali asnjëherë veprimtarinë e tij! Nuk u ndal as nga të gjitha ato porosi, që i vinin nga brenda nga miq e dashamirës, duke e porositur që, të ketë kujdes se, Udb-a i ka lëshur spiunët për vrasjen e tij! Porositë vinin nga njerëzit e besuar, siç ishte vëllau im, i ndjerë, Sefidini, i posa dalur nga burgu i Prizrenit, burg, që e mbajti se, ishte marrë me veprimtari “armiqësore”!? Kështu shkuam bashkë me Sefidinin në Untergruppenbach, ku vëllau ja dha direkt, gojarisht Jusufit, porosinë, që UDB-a po përgatit vrasjen e tij!!! Herën tjetër kemi shkuar edhe me Isah Demin, i cili ishte porositur nga vetë Heroi Metush Krasniqi, duke e porositur që, të ketë kujdes Jusufi se, UDB-a ka përgatitur njerëz për vrasjen e tij!!! Për të dy këto porosi, kemi shkuar bashkë se, kështu e kishte porositur Metushi që, vetë Isahi personalisht, të shkojë dhe të ia çojë porosinë Jusufit... dhe ashtu u bë. Shkuam bashkë dhe ia thamë Jusufit personalisht, në banesën e tij në Untergruppenbach.

As këto porosi nuk e ndalën se, ai TRIM e dinte shumë mire që, kishte dalë në ballë të Lëvizjes Nacional Çlirimtare të Kosovës dhe Viseve të tjera Shqiptare në Jugosllavi!!! Pra ai e dinte se, ishte në ballë të Çlirimtarëve Revolucionarë dhe që ishte në rrugën e drejtë dhe të duhur, me plot rreziqe e të papritura, të cilat i kishte marrë parasysh, pa ju trembur syri, sepse e dinte fare mire se, vetëm kjo rrugë do ta çonte atdheun e tij drejt çlirimit!!!

Jusufi e ka ditur, sepse edhe e kemi biseduar që,“...në se UDB-a titiste vendos për të të likuiduar, ajo këtë e kryen, prandaj ne jemi betuar, të ecim përpara drejt qëllimit tonë, drejt idealit të shejtë, drejt çlirimit dhe RIBASHKIMIT të trojeve tona të okupuara...!!! Jemi betuar O Liri O Vdekje!”

Jusufi e ka dashur popullin dhe Kosovën e tij të çliruar dhe të bashkuar me shtetin amë Shqipërinë dhe për këtë punoi dhe luftoi natë e ditë, deri sa dora gjakatare e UDB-së e ndau me pabesi nga kjo jetë...!!!

Por duhet theksuar se, ai tradhëtar, që ia bëri me dije armikut dhe i lajmëroi se, ata TRIMA gjendeshin bashkë dhe se ku ndodheshin... ai padyshim ishte udbashë shqipfolës!?...Dhe atë me sigurinë më të madhe e di mirë dhe e njeh Ibrahim Kelmendi!!!

Këtu s’ka dyshim, që Ibrahimi e di se, cili ishte spiuni!? Por këtë padyshim e ka ditur edhe Dem Demaj me Sadik Blakajn!? Pra për dorëvrasësit, duhet të deklarohen Hysen Gegaj, Dem Demaj dhe krimineli i specializuar nëpër shkollat e UDB-së titistofashiste jugosllave Sadik Blakaj!!!

Po e përsëris se, UDB-a e ka përgatitur vrasjen e TRE TRIMAVE dhe për këtë organizim tërë llumin shpirtzi e ka vënë në ndjekje, veçanërisht, për ekzekutimin e JUSUFIT!!!

Por ata, që ndihmuan, që e pregatitën këtë vrasje, pa pikë dyshimi ishin shqipfolës, të cilët e kanë njohur e studiuar vendin mirë e mirë se, si mund të realizohej vrasja e TRE YJEVE!!!

E theksoj përsëri se, ai, që i di organizatorët e vrasjes dhe vrasësit është Ibrahim Kelmendi, ai i di edhe shokët e vet dhe më saktë se, cilët ishin ata dorëvrasës!!! Sepse rrënjët e UDB-s e kanë pasur jashtë informatorin më të besuar!?

Edhe unë jam njëri nga dëshmitarët e drejtpërsëdrejtë i atyre viteve, ku deri në momentin e pakpara vrasjes ishim bashkë me dëshmorët, shokët tanë. E them me bindje të plotë se, dyshoj që, në planet e përgatitura për likuidimin e JUSUFIT TË MADH, kanë qenë Ibrahim Kelmendi, Dem Demaj dhe Sadik Blakaj!!!

Jam i drejtpërdrejtë për ngjarjet e atyre viteve e jo si disa që, dalin e flasin pa pasur asnjë lidhje dhe as argumente, sa nuk e di kujt i shërbejnë dhe kujt mundohen me i tregu fantazira!!!Të tillë ka disa, por unë do ta përmend njërin, që është miku i ngushtë i Ibrahim Kelmendit dhe ai është Bedri Islami, për të cilin kam pasur respekt, por tash ky po më habit shumë se, nuk po ka respekt për të vërtetat e Jusuf Gërvallës... dhe vetëm po merret me gënjeshtrat e Ibrahim Kelmendit!?!

Nisur nga shkrimet e tij, si nëpër libra apo edhe shkrimet e publikuara në portale të ndryshme, kam vë re se, ai i tejkalon gënjeshrat dhe s’ka të ndalur për këto!?.. Ndaj duhet thënë atij, ti Bedri, kur nuk je i sigurtë, mos u merr me ato gjëra pa fakte e argumenta, që nuk i di të sakta e reale se,...nëse i dije, pse jo...! Jam më se i bindur se, ky futet në këto punë, pa menduar se, Jusuf Gërvalla, ishte i rrethuar me shokë të vërtetë, të fjalës e të besës, me bashkëveprimtarë besnikë, si LISI me degët e tij!!! Nuk e ka pasur shok Ibrahim Kelmendin JUSUFI, por ka pasur shokë të tjerë!? Bedriu na është bërë advokati mbrojtës i Ibrahimit! Ibrahimi di më mirë të mbrohet, se vet Bedri Islami!

Bedriu vetëm mund të flasë për atë, që kur ai e njeh Ibrahim Kelmendin, dhe asgjë për shokët e vrarë...!

Kur është në pyetje Jusuf Gërvalla, figura dhe vepra e tij e pavdekëshme, unë asesi nuk mund të toleroj, sepse jam dëshmitari më i afërt e i drejtëpërdrejtë i asaj kohe dhe i atyre ngjarjeve famëkeqe!!! Askush nuk mundet me i ditë rrjedhat e planeve, për ato vite, sesi dhe kush i bëri…!!! Nuk njoh askënd e sidomos ata, që mundohen me çdo kusht të hynë aty, ku nuk e kanë vendin dhe të tregojnë, se si na paskan qenë marrëdhëniet në mes të drejtuesëve të grupeve ilegale në perëndim, dhe si paskan rrjedhur ato. Nuk kanë pse futen vetëm me shkrimet apo gënjeshtrat e Ibrahim Kelmendit, përndryshe edhe ata janë GËNJESHTAR, me qëllim të mbrapshtë e të ulët!!!

Jusuf Gërvalla, kurrë nuk e ka pranuar si shok të mirë Ibrahim Kelmendin!? Jusufi, i ka thënë personalisht vetë Ibrahim Kelmendit, nëpër mes letrave, që ia dërgon Sabri Novosellës, por edhe shokëve se, si kanë qenë punët (marrëveshjet) në mes të Jusufit dhe Ibrahimit, në mes Jusufit dhe Kadri Zekës, ndaj s’ka përse me i fut hundët askush, në këto gjëra, që nuk ju takojnë aspak, deri sa ka fakte dhe dëshmi konkrete nga vetë dora e Jusufit po se po, por edhe nga shokët e tyre që janë ende gjallë, pra nga DËSHMITARËT E GJALLË TË ASAJ KOHE!!!

Fjalët e Jusufit janë të gjalla, të sakta dhe shumë të vërteta!!! JUSUFI I MADH la pas edhe shokë të tjerë, besnikë të betuar të tij, siç ishte Remzi Ademi, hero i popullit, vëllezërit Sefidin e Faridin Tafallari, Xhafer Durmishi, njëri nga bashkëpunëtorët më të ngushtë, sidomos në shkrimet e shtypit ilegal të asaj kohe... Nami Ramadanin, Murat Kryeziun, Isah Demin, Naim Haradinaj, Haxhi Berishën, Shaban e Ismet Klaiqin, Mejdi Rexhën, Shaban Bobaj etj. Xhafer Durmishin, kur e kam takuar për herë të pare, ishte së bashku me Jusufin e Bardhoshin, dhe Bardhoshi i paharruar, duke ma prezantuar Xhaferin më thotë se, ky është shoku ynë Xhafer Durmishi... por ne do t’i thërrasim me pseudonimin “Skënder”!E kemi kuadër të fortë dhe shok të mirë dhe të besuar!

Shokët që i përmenda më lart, Jusufi i kishte shokët më të afërt, deri në momentet më të fundit të jetës së tij, të cilët e vazhduan veprimtarinë aty ka na e la Jusufi... Prandaj nuk ka nevojë Bedriu dhe as të tjerët të ndërhynë aty, ku nuk i dinë punët!? Në atë kohë Bedriu ishte larg e besa edhe të tjerët, që as në ëndërra nuk i ka parë!?! Dhe ç’është më e keqja ai bazohet tek njeriu, mbi të cilin më së shumti ka dyshuar edhe vetë Jusufi?!..Bedriu, për çdo gjë, që e dëgjon i nxjerr në shkrimet e tij, që nuk kanë as fillim e as mbarim... shkrime që nuk kanë asgjë të vërtetë!!!

Pra, të mbulojnë apo të shtrembërojnë...të shkruajnë me rrena e trillime të vërtetat e t’i thonë ashtu si ua do qejfi, apo më mirë të them t’i fshehin të vërtetat, për të humbur gjurmët e tradhëtisë e të tradhëtarëve, jo vetëm që nuk durohet, por as që lejohet!!! Për mua, DËSHMITARIN E GJALLË, të atyre viteve të stuhishme, as njëri e as tjetri, si Ibrahimi dhe Bedriu, nuk e thonë realitetin dhe të vërtetën, për veprimtarinë e të MADHIT JUSUF GËRVALLA!!!

Unë, si shok dhe bashkëveprimtar besnik i JUSUF GËRVALLES, kursesi nuk lejoj gënjeshtra të tilla, qoftë të Bedriut apo të Ibrahimit, por ama as të askujt tjetër, gjë që e kam theksuar mëse një herë në shkrimet dhe librat e mi, të botuar tashmë!!! E kam thënë dhe po e përsëris se, të vërtetat për të MADHIN JUSUF i ka thënë Kadri Rexha dhe Xhafer Durmishi, ku Xhaferi i ka shkruar të vërtetat, duke i analizuar fill e për pe, në njëzet librat e tij, të shkruara me realizëm për Jusufin dhe veprën e tij të pavdekëshme, për veprimtarinë e tij me shokët, që nga dalja e Jusufit në Perëndim!

Bedri Islami, mesa di unë, erdhi në Gjermani, pas ardhjes në pushtet të Sali Berishës, në një fshat diku (jo shumë larg) nga Shtutgarti dhe në fillim u bë anëtar i një këshilli të LDK-së, por, si duket hyri në adresë të gabuar dhe nga aty iku me vrap dhe e gjeti Ibrahim Kelmendin apo kush dreqi e di, mbase Ibrahim Kelmendi e gjeti atë!? Kështu pak kohë më pas Ibrahimi e “gradoi” Bedriun, e bëri kryetar të LPK-së!? (Më herët LPRK). Pra Bedriu e gjeti “sofrën” e shtruar me të gjitha të mirat!? Kurse ne, shokët e ngushtë dhe besnikë të Jusufit e Kadriut, e vazhduam veprimtarinë me shumë vështirësira, aty ku e lanë shokët tanë, TRIMAT Jusuf Gërvalla, Kadri Zeka dhe Bardhosh Gërvalla!!! Kështu, vjen një ditë një Bedri Islam, futet sikur lëvizja të ishte pronë e Ibrahim Kelmendit, kur ne, kishim vepruar e vrapuar me mish e me shpirt për një dekadë, (pa i përmendur sakrificat e më hershme), që nga formimi i Këshillit të Përgjithshëm të LRSSHJ-së dhe më vonë në LPRK-së! Me vite e vite e kishim ndërtuar Lëvizjen në vazhdim, me shumë mundime e me shumë sakrifica, ku edhe sot e kësaj dite më kujtohen të gjitha mundimet e sakrificat, që i bënim ne, shokët e Jusufit, si ato nëpër kalime kufijsh, pa dokumente të rregullta, nëpër thurrjen e telave kufitare, në mes të Gjermanisë dhe Zvicrës, Francës, Belgjikës, Italisë, duke krijuar degët e LËVIZJES në shtetet e Perëndimit!

Shumë here i kalonim kufijtë me Xhafer Durmishin e me Nami Ramadanin, i cili nuk na ndahej se ai ishte me dokument të rregullt, sepse ishim anëtarë të Këshillit të Përgjithshëm, të Lëvizjes Popullore të Republikës së Kosovës, (LPRK), por unë isha pa dokument dhe në Konstancë, vend, ku e kalonim kufirin e kishim shokun, i cili asnjë herë nuk përtoi të na shoqëronte deri te vendi i kalimit, duke na ndihmuar për kalimin e telave, që ishin pothuajse dy metra të lartë. Aty pranë ishte edhe një proskë, ku kalonte një vijë uji, gjë që akoma edhe më shumë e vështirësonte kalimin tonë. Prandaj në disa raste hypnim në krahët e Hasimit dhe i kalonim telat. Por të njëjtin veprim e bënim edhe kur ktheheshim nga Zvicra, përsëri po në të njëjtin vend kalonim telat e kufirit, duke kaluar përherë kufijt ilegalisht me ndihmën e Hasim Mjakut. Hasimi, rrezikonte edhe më shumë, por ai as që donte t’ia dinte sepse ishte anëtar dhe besnik i LPRK-së, shumë guximtar e sy patrembur! Pra ky ishte dhe është Hasim Mjaku, nga komuna e Ferizajt, me punë dhe banim në Konstancë të Gjermanisë.

Në nëntorin e vitit 1985, e dorëzova pasaportën për të më vazhduar vizën, në Konsullatën fashiste të ish-Jugosllavisë, por jo që nuk ma vazhduan, por nuk ma kthyen kurrë pasaportën! Edhe unë as jua kërkova kurrë edhe pse pa te, nuk më linin të qëndroja në Gjermani. Ligji në Gjermani ishte i tillë dhe mu desht, që me ndihmën e advokatit të rrija që nga nëntori i 1985 deri më 11.09.2008, vit në të cilin e bëra pasaportën e Kosovës…! Pikërisht për këto kalime e kisha humbur të drejtën e nënshtetësisë gjermane, sepse kisha shkelur ligjin gjerman...!?

...Ja në një kalim kufiri, më 5 gusht 1983, u kapa nga rojet në kufirin Gjermani-Zvicër, me 1015 ekzemplarë të “Zërit të Kosovës” në shpinë, organin e LPRK-së, të cilat po i transportoja nga Zvicra për në Gjermani, mbasi për atë kohë, ky organ botohej në Zvicër dhe si redaktor ishte Xhafer Shatri, të cilit makinën e shkrimit të Jusuf Gërvallës ia kisha dërguar me kerrin tim në Gjenevë në shkurt 1982. Pas vrasjes së Jusufit me këtë makinë kishte punuar Xhafer Durmishi.

Ne ishim katër shokë, unë, Sami Kurteshi, sot advokat i popullit të republikës së Kosovës, shoku im, Zijah Shemsiu, i cili vidq nga tortuat në (CZ) burgun qendror të Beogradit, maj 1985, si dhe Salih Basha, me banim në Baesel-Zvicër, shoku i ngushtë, Shefket Musliu, me banim dhe punë në Regennsdorf, afër Zurihut-Zvicër! Ata më lanë afër kufirit dhe u kthyan, kurse unë u kapa nga rojet kufitare duke e kaluar kufirin me thas të mbushur me “Zërin e Kosovës”. Mua, për këtë rast më burgosën në kufi edhe më dënuan me para, por e humba edhe të drejtën e marrjes së shtetësisë gjermane!?

I them këto për t’i sqaruar lexuesit edhe një herë se, për mua asgjë nuk kanë pasur vlerë, kur ishte në pyetje atdheu, përpara çështjes atdhetare, gjithçka për mua ishte zero!!!Kjo ka qenë dhe është motoja e jetës sime!!!

Këto bëheshin të gjitha për atë LPRK, dhe në veçanti për të marrë pjesë në mbledhjen e Këshillit të Përgjithshëm të Lëvizjes Popullore të Republikës së Kosovës që, si zakonisht mbahej në qytetin e Biel-Bine, në Zvicër te banesa e Hasan Malajt. Kurse Bedriu na u bë kryetar pa e njohur as rrethi i vet!? E bëri Ibrahimi kryetar të LPK-së, nuk di se me çfarë “meritash” arriti ky njeri në majat e Lëvizjes...!!!

Dhe sot e për gjithë ditë po na shkruan... shkruan gënjeshtra e të pavërteta, sikur është duke parë ëndërra... Gënjeshtra të tij i quaj, vetëm kur shkruan për kohën e Jusuf Gërvallës dhe për Jusufin... e deri sa shokët e Jusufit ishin në LPRK. Pra, për kohën, pasi u bë kryetar, le të shkruajë çfarë t’i dojë qejfi, ama, se lejoj të hyjë për kohën e Jusufit, Kadriut dhe Bardhoshit, dhe të shkruajë, si t’i teket a si e “porosit” Ibrahimi...!?! Po na shkruan se, na u formua e na u çformua “Lëvizja” në atë kohë e në këtë kohë... e plot gënjeshtra të tjera!? Duhet t’i vijë edhe turp për këto të pa vërteta...! Sepse ata, që e kanë formuar LËVIZJEN janë gjallë...!

Bedriu shkruan pa menduar fare se, Jusuf Gërvalla, sa ishte gjallë, ka pasur vetë dyshime tek Ibrahimi, por edhe ne, shokët e tjerë, kemi dyshuar se, Ibrahimi ka gisht edhe në vrasjen e shokëve!!! Ndaj Bedriu ku e merr atë guxim dhe del para shokëve që, sa ishte gjallë Jusufi me këta shokë i bënte aktivitetet?! Prandaj edhe ky si person, të bën të dyshosh se, si erdhi dhe nga ku piku?!?...

Përsëri po i drejtohem Hysen Gegës, sepse ai disa gjëra i di mirë!? Përse bëhet kaq i mbyllur e fare i pasinqertë, pa fije përgjegjësie???

... Po e theksoj se, unë kurrësesi nuk dua të mbroj asnjë udbash pra dhe as udbashët Jusuf Buxhovi, Mehmet Lumin, Lorenc Selmanin, Kadri Ibrahimin etj. Për mua të gjithë ata, që kanë spiunuar shokët dhe kanë tradhëtuar popullin e kombin e vet janë njëngjyrësh të gjithë janë TRADHËTARË, janë qen të pa besë, me vlerë bash sa një hale m..i!!! E për fat të keq ka shumë të tillë, mbeturina të UDB-s famëkeqe të ish-Jugosllavisë, të cilët e gjetën mbështetjen e shqiptarëve titistë dhe së bashku me shumë shërbyes shkërdhatash, shqipfolës të shkijeve e të shkinave i shërbyen me besnikëri shkjaut pushtues, për të vrarë e masakruar vëllanë e motrën e një gjaku! A ka gjë më të rëndë se, tradhëtia e shqipfolësve, që spiunuan e tradhëtuan veten e vet, tokën e të parëve, vatrat tona stërgjyshore?!?

Nuk e di a ka diku një shembull të tillë të hidhur si është kombi ynë, që në të katër anët fqinjtë tanë grabitqarë na kanë marrë mijra jetë njerëzish, na kanë grabitur padrejtësisht pjesë të bollëshme të trojeve tona... dhe edhe sot e kësaj dite i mbajnë nën sundimin e tyre, duke na urryer e përbuzur deri në zhdukje!!?

E kur e mendon se, pikërisht te ky popull gjen spiun e tradhëtarë, vërtetë është për tu habitur... nuk e besoj të ndodhë kështu edhe tek popujt e tjerë, që t’i durojnë të gjitha këto të zeza, qoftë nga armiqtë... qoftë nga tradhëtia!!! Dhe më e bukura...përsëri ne, po rrimë e po heshtim...!!!

Po pse o Hysen Gega, përse bëhesh kaq injorant të mos thuash asnjëherë të vërtetën??? Pse të mos tregosh, ato, që ndodhën si para burgosjes tënde, por edhe gjatë kohës tënde në burg???... Unë, që po të drejtohem, kam shumë të drejtë, sepse para së gjithash, TRIMAT, i kam pasur shokë ideali, bashkëveprimtarë, jam betuar së bashku me Ta, në Flamurin Kombëtar,Kuq e Zi, jam betuar se, do të luftoj deri në çlirimin e trojeve shqiptare, të okupuara, pa kursyer asgjë, deri në flijim të jetës!!! Dhe ashtu kam vepruar deri në ditën e çlirimit të Kosovës... por po vazhdoj të punoj dhe të luftoj për BASHKIMIN E MBARË TROJEVE SHQIPTARE!!!

Jam betuar bashkë me të Madhin Jusuf Gërvalla dhe i kam dhënë besën se, do ta luftoj armikun, që më ka pushtuar vatrën time, po ashtu do ta luftoj pamëshirë edhe tradhëtinë dhe tradhëtarët, spiunët udbashë, shqipfolës!!!

A ka qenë i tillë BETIMI YNË, o Hysen Gega, BETIM i bërë bashkë edhe me ty, apo e ke “harruar”?!

A e mban mend, kur ti po niseshe, në sekondat e fundit i ndamë duart e përqafimit?! A të kujtohet??? Me siguri që po, po poooooo!!! Ndaj edhe ty të takon dhe e ke për detyrë e për borxh që të kontribosh, shumë madje, për zbardhjen e natës së zezë, të 17 janarit 1982, ku u vranë pabesisht shokët tanë, nëpër mes tradhëtisë, u vranë shokët e mi të shtrenjtë, por në atë kohë mos e harro, ata TRIMA ishin edhe shokët e tu!? E ti po hesht... po hesht për 32 vite, duke fshehur tradhëtinë dhe trashëtarët!!?

Duhet patjetër t’i tregosh ato përgatitje, që i bënit nëpër guzhinat e shokëve, të cilët ua hapën dyert dhe ju pranuan si njerëzit e shtëpisë!? E ju a shkelët bukën, JU A KTHYET SHOKËVE TUAJ ME HELMIN E PABESISË! Trego ato, që i di se, s’ka aspak dyshim, që edhe ti i di mirë se, ishe pjesë e atyre planeve të guzhinave bashkë me Ibrahimin, Sadikun dhe Demën...!

Dem Demaj duhet të tregojë atë, që ia tha kryekrimineli, po sa hypi në tren, në stacionin e Nagoldit, duke iu drejtuar nga dritarja e trenit:” eiii Dem, për atë bisedën, që e bëmë bashkë, nuk guxon ta di askush... pos unë dhe ti!!!” Për ç’ka ishte ajo bisedë, që kishit bërë me atë kriminel vrastar...?!?, Për çfarë tradhëtie kurdisët plane dhe që... nuk guxon ta di as kushi? E përse mos ta dija as unë, kur isha aty, me ju, duke e përcjellë atë qen...?!

Eh si do të tregonit ju tradhëtinë tuaj, sikur në Kosovë, të kishim një qeveri për së mbari!? Por jo!!! Jo, nuk do të zbulohen tradhëtarët dhe vrasësit e TRIMAVE, deri sa të jetë kjo qen(v)eri kusarësh, me në krye Hashim Thaçin, shokun dhe bashkëluftëtarin e Ibrahim Kelmendit! Nuk ka për tu zbuluar informatori, spiuni, udbashi shqipfolës, ai bir shkine, që tradhëtoi gjakun e vet, që vrau pas shpine JUSUF GËRVALLËN E PAZËVENDËSUSHËM!!!

Mjerisht, kemi një qeveri, që luan me gjakun e të rënëve dhe mbron spiunë e tradhëtarë, bashkëpunëtorë të saj, qeveri, që mbron Ibrahim Kelmendin, i cili akuzon të tjerë, për të shpëtuar vetëveten!?! Ai, Ibrahimi, ka mjaft aftësi që të mbrohet vet, e sa për të tjerët, i ve si spiun e tradhëtar, me atë “aftësinë” e tij, për të hedhur në mjegull të tjerët!

E po ku i di Ibrahimi dhe si t’i besohet atij për këto, që ua mvesh të tjerëve, edhe pse nuk përjashtohet as ajo e Rizah Salihut, por ky, Ibrahimi, është i pari, që duhet të akuzohet për vrasjen e TRIMAVE!?

Si ore Hysen, ke harruar apo nuk je në vete, por që nga ajo burgosja jote, që ta futi Ibrahim Kelmendi, e ke krahasuar Ibrahimin edhe me fëmijët, vetëm e vetëm mos të pranosh ta vrasësh atë, kurse për Jusufin, pranove revolen, për të shkuar me e vra…!?!

UDB-a të ka ofruar me qindëra valutë për të vrarë Jusufin e Ibrahimin...dhe ti nuk e pranove!?! Por ja që Jusufi u vra kurse Ibrahimi jo! Dhe ja si ndodhi... ti ishe ai, që të udhëzuan për të vrarë Jusufin...dhe kjo ofertë, që ta thanë në UDB, ishte hera e dytë!? Po përse donin të të angazhonin ty, me këtë ”detyrë”, që të vrisje Jusufin??! Dhe qëllimi I UDB-së u arrit plotësisht! JUSUF GËRVALLA U VRA!!! U VRANË TRIMAT!!!

Ti shkove për të vrarë Jusufin me revolen, që të dha Rizahi, ndërsa mua më the se, ai nuk ka asnjë lidhje me këtë vrasje?!? Ti ende nuk e ke deklaruar saktësisht se, cili ta dha Revolen, Rizahi apo Ibrahimi! Përse nuk tregon të vërtetën e kësaj “loje” të poshtër tradhëtie???

Jusufi u vra, po cili e tradhëtoi, kush e nxorri në pritën e UDB-së gjakatare, cila dorë vrastare shtiu mbi Të, kush i vrau TRIMAT??? Ti duhet të thuash fjalën tënde të qartë se, nga kush u vra JUSUF GËRVALLA?!

E më mirë se ti o Hysen Gega, askush nuk mund ta dijë, askush!!!

A të kujtohet, kur u takuam në gusht të vitit 1990, e të pyeta se, a mos është Rizah Salihu, ai, që i vrau shokët?! Por ti më kërceve si i marrë, kur të përmenda emrin e Rizahit:”... oooojobreeeee nuk është aiii, po leje ata breeeee...!”

Kurse “shefi” yt, Ibrahimi, e deklaron hapur nëpër shkrime e nëpër ato intervistat e tij se, vrasësi i vërtetë i TRIMAVE është Rizah Salihu...por dhe një tjetër, që, gjoja, nuk ia tregon emërin... e ruan edhe për tri dekada të tjera…!? (nuk ka dyshim se, Rizahi ka qenë i UDB-së, por a është edhe vrasësi?!).

Nuk ka as më të voglin dyshim, që në këtë vrasje janë përlyer disa duar... por ama nuk mungon këtu as dora jote, direkt apo indirekt!!!

A ishe ti në dijeni se, te Dem Demaj kishte ardhur udbashi Sadik Blakaj, i cili do të merrte detyrën tënde, të cilën ti nuk e kreve!? Në dhjetor të vitit 1980 erdhe tek unë, në banesën time, me Dem Demen dhe kur po dilnim nga banesa ime, shkallëve, më tregove për “misionin” e atentateve, me të vetmin qëllim, që të të jepja para se, Sadiku nuk të merrte pa lek...!

Unë e kisha Isahin, shok i imi edhe i yti, por nuk e pranuat atë ditë në shoqëri!? Pa dëshirën time e lash Isahin, shok besnik dhe trim o Hysen Gega, sepse ty të ishte mpirë truri dhe vetëm Dem tradhëtari e ai, kriminel Sadiku ishin shokë për ty! E lash Isah Demin në banesë, që kishte ardhur, për të biseduar si shok të pa ndarë që ishim. Ti o Hysen Gega me Dem Demaj u treguat të ligj dhe nuk pranuat të vinte edhe ai se, gjoja mos të dinë të tjerë...e ti do të shkoje me kryeudbashin për të kryer atentate, Unë jua kundërshtova ty dhe atij qen Demes, të dyve!!!

E mbaj mend si tani, duke zbritur shkallëve Dema më tha se, kemi me bisedu diçka, që duhet të ruhet..është shumë sekret...!?! Vazhduam dhe unë po mendoja se,çfarë kemi për të biseduar jashtë banesës sime, kur kemi mundur të bisedonim edhe brenda në banesë?! Më përsëriteshin në kokë fjalët e Demës se, kemi për të biseduar diçka, që as kush nuk guxon ta di, pos ne të treve dhe...!? Po sa u ulëm në kafen e quajtur “Qvele” në Iselshausen, në periferi të Nagoldit, porositëm për të pirë. Dema e filloj bisedën, dhe po e dëgjoja me shumë interesim, ndërsa Hyseni rrinte për ballë, pa folur fare. Dema fliste si ndonjë hajdut dhe, që nga ardhja e Sadikut, ai më dukej si një njeri krejt ndryshe, i dyshimtë dhe i padëshiruar, njëherit edhe shumë besëthyer. Që nga ardhja e Sadik qenit, ai mundohej që me çdo kusht, ta paraqiste atë kriminel, si njeriun më të aftë e më të zgjuar, që ka shqiptaria!? Unë ia pordhosja me kundërshtimet e mia, me plot të drejtë, duke i thënë me plot gojën se, ai nuk është asgjë tjetër pos një kriminel, një hajdut, një kurvar, një njeri i pamoralshëm dhe i pabesë!!! Po po një kurvar se, ti vet më the se, pos gruas së vet i ka edhe gjashtë të tjera! I kam thënë se, unë nuk e pranoj atë në shtëpinë time e mos të vish me atë se, nuk ta hapë derën...por as ti mos e mbaj në banesë atë qen se, ka surratin e tradhëtarit e të udbashit!

Në kafenenë e lartpërmendur, Hyseni më tregoj se, kishte vendosur për të shkuar me Sadikun në Kosovë, për t’i bërë atentat Mahmut Bakallit dhe Dushan Ristiqit si edhe shumë të tjerëve. Thënë të drejtën në fillim më zgjojë kurreshtje, dhe u bëra ziliqar, duke i thënë po ta kam zili besa se, duhen edhe atentatet, ndaj mua më ke të gatshëm, kur të duhem, bile po vi edhe unë tash me ty! Jo, më tha se, po shkoj unë e pastaj të shohim si po na ecin punët neve...!

Fjala e parë e imja ishte se, a e ke biseduar me Jusufin dhe a është dakord për këtë rrugë e këtë veprim..a e di Jusufi për këtë shkuarjen tënde, sepse isha shumë i sigurt se, Hyseni pa e marrë pëlqimin e Jusufit, as që do ta merrte një hap të tillë!? Mu përgjigje me:” jo, jo bre nuk i kam treguar se, ai po frigohej shumë me i përmend atentatet..., jo jo as Ibrahimit nuk i kam treguar... dhe as që do t’i tregojë...” Por, kur erdha t’i solla markat dhe me u përshëndet me ty, për nisjen tënde, për habinë time, Ibrahimin e gjeta aty, bashkë me ty dhe me Sadik kriminelin, pra në Esslingen më 19 dhjetor 1980..Të thashë që, mirë nuk po bënë, që të nisesh për një rrugë kaq me rëndësi e mos të bisedosh me Jusufin, po ta them sinqerisht se, nuk po bën mirë o Hysen, por ti po e bën ... Edhe ky mendim i tij, për mos t’ja thënë Jusufit, më habiti shumë, sepse mendoja ndryshe, që Jusufin patjetër e ka bërë me dije, por kur dëgjova atë përgjegje të tij, më erdhi sikur Hyseni po ia bën një tradhëti edhe Jusufit!!!

Prandaj më the se, unë, Faridin, tjetër kujt nuk i kërkoj as një lek, por po të kërkoj ty, sa e ke mundin se, nuk kam për të jetuar për aq kohë, deri sa t’i kryejmë atentatet... Ndaj po pate mundësi të m’i japësh... e në se kryejmë punë nuk di a mundem me t’i kthye!?.. Po qe se, nuk kryejmë punë ma mirë të mos jetoj më...dhe mos më bëni më, se jam gjallë…!? I thashë se, për momentin do t’i jap 2000 marka, dhe këto s’ke nevojë as t’i mendosh, që të mi kthesh...kur ti po rrezikon me jetën atëhere ç’janë markat o Hysen?! Fjalët e mia i pëlqyen...dhe u falenderua shumë!” S’ke përse më falenderon se ti po shkon për një detyrë, që është me rreziqe dhe këtu nuk vjen në pyetje paraja...Por unë uroj të ja dalësh me sukses se, për lek do të dërgojmë edhe më shumë.”Në atë moment edhe Dema i dha edhe kështu nga të dy u bënë 4000 marka!

Por u ndjeva shumë keq dhe isha shumë i dëshpëruar dhe sepse në atë moment fillova të dyshoj... po më vinte shumë edhe inat, përse mos ta bisedonte me Jusufin...?! Atëhere i them se ti Hysen paske marrë një veprim shumë me rreziqe... po të pyes, a e njeh mirë Sadikun? A është i besuar??? Hyseni mu përgjigjë se, ai herë më ngjan si i dehur e herë më duket i pa disiplinuar se, po sillet keq e po vjedh nëpër dyqane e...e...!!?. Po ishalla është i mirë, dhe unë po i besojë Demës se, unë për vete tash po e njoh, këto ditë, që po rri me te!? Demës sikur i vinte keq, që Hyseni nuk fliste aq mire për të, sa e lëvdonte Sadikun Dema!?

...O Hysen, i them, a e di se, unë me këtë kriminel, i cili ka sjellje të tilla aq të dobëta, nuk do të nisesha kurrë!!! Jo se më dhimset jeta joooooo, por nuk kryhet punë me këtë lloj njeriu!!! Nuk kisha me shku me të as në hale...!? Dhe i numërova disa punë të këqija! Por ai kriminel qenka i martuar me fëmijë...dhe i paska edhe gjashtë gra, dashnore, bile njërën e kishte me vete të quajtur Nysrete, me pseudonim Diana dhe ti o Hysen, këtë e dije... për mua as patriotizmi i këtij (edhe pse s’ka) nuk më duhet...!!! Dem Demaj, kërceu nga ana tjetër, sikur e pickoi gjarpëri, duke mu kundërvënë se, ai, Sadiku është i aftë, shumë i zgjuar dhe besnik i madh e tjera e tjera...

Më 1 janar 1981 Hyseni ra në burg, kurse Sadik qeni u kthye si më mirë, duke e tallë Hysenin se, ai nuk ishte as i mençur e as trim dhe aspak i zoti për asgjë, ndaj e lash për ta kryer ushtrinë se, i kishte mbetur borxh Jugosllavisë...!?

Sadiku, udbashi qen, tashmë kishte ardhur për të marr Jusufin se, vetëm me Jusufin mund t’i kryente atentatet e planifikuara!?! Kështu ai qen, i thoshte Jusufit para meje dhe në banesën time, më 15 janar 1981... Jusufi, atë natë të dimrit të ftohtë, të 15 janarit të 1981 udhëtojë me Sadikun dhe Demën, dhe kurrësesi nuk pranojë të shkoja edhe unë me ata, për shkak të të ftohtit, por edhe dyshimit tek ata të pabesë se, kanë mundur të na zhduknin të dyve!? Këtë ma tha Jusufi gojarisht, kur u takuam...!

Jusufi udhëtoi bashkë me dy tradhëtarët Dem Demajn dhe me Sadik Blakajn...E unë, mbeta me gjak të ngrirë tërë natën, duke friguar se, mos po i ndodhte diçka Jusufit!?! Dhe, kur ia thash dikur Jusufit se, isha shumë i merakosur, deri sa mora vesh që ke arritur mirë, ai mu përgjigjë se kam pasur të drejtë se, mund të na ndodhte gjithëçka mua po se po, por edhe ty për t’i humbur gjurmët! Por ty të lash atë natë, si DëSHMITAR te gjallë, o Faridin, që ta dish, nëse ndodh diçka!!!

Për mos të shkuar më tej, sepse ka shumë për të thënë, si i thonë një fjale, mos me e hap grykën e thesit se, nga thesi do të dalin shumë! Por ky thes do të hapet pa një pa dy, kur ata, tradhëtarët udbashë, shqipfolës, do të dalin para drejtësisë, para gjyqit të popullit...!!! GJYQI I POPULLIT VONON POR KURRË NUK HARRON!!!

Si përfundim i bëj thirrje organeve të DREJTËSISË SË REPUBLIKËS SË KOSOVËS, që, Ibrahim Kelmendi, Hysen Gegaj, Dem Demaj dhe Sadik Blakaj të dalin para drejtësisë, për të dhënë llogari deri më një, për informatorët dhe vrasësit e vërtetë të TRIMAVE, PËR TË THËNË TË VËRTETËN E ASAJ VRASJE MAKABRE, QË I BËRI DËME TË PALLOGARITSHËM, JO VETËM KOSOVËS, POR MBARË KOMBIT SHQIPTAR!!!

(marrë nga Albaniapress.com , 23 mars, 2014)