Faleminderit Ibrahim Kelmendi - Sabri
Novosella
Lajme.parajsa.com
21.03.2012 06:09
Duke e shfletuar gazetën e
përditshme "Kosova Sot", të datës 19.03.2012, në mes tjerash në faqen
12 lexova shkrimin e Ibrahim Kelmendit, me titull: "Sabri Novosella
diskreditoi veten e tij"
Së pari më duhet ta shprehu
një falënderim pa thonjëza për Ibrahim Kelmendin që nuk e thotë ndonjë fjalë të
mirë për mua se kjo do të ishte fyerje e rëndë për mua dhe shokët e mi të
idealit.
Emrin e Ibrahim Kelmendit e
kam përmendur dhe e përmendi vetëm kur jam i detyruar të reagoj, kur i zë në
gojë veprimtarët e heronjtë siç janë Metush Krasniqi, Jusuf Gërvalla etj.
Por këtë radhë, për hir të
lexuesve të nderuar të gazetës "Kosova Sot" më duhet t'i them disa
fjalë për të.
Se Ibrahim Kelmendi ka qenë
dorë e zgjatur e konspiracionit antishqiptar serbo-sllav gjatë tërë jetës së
tij e dëshmon edhe me këtë shkrim, ku në mes tjerash thotë: "Edhe pse i
kam besuar rrëfimit të ish-kryepolicit Ademaj, unë po vazhdoj ta diskreditoj
Sabriun..."
Pra Ibrahim Kelmendi e
dëshmon edhe njëherë vetë nëpërmes shkrimit që e cekëm pak më parë se ai dhe
eprorët e tij, siç paska qenë kryepolici Ademaj, të cilit i paska besuar aq
shumë, ju paska dashur dhe po iu duhesha me e "diskreditua" Sabriun
dhe të gjithë ata që kanë pasur për detyrë t'i "diskreditojnë", sepse
si dorë e zgjatur e konspiracionit antishqiptar serbo -sllav kanë qenë të
detyruar t'i kryejnë shërbimet e tyre në interes të okupatorit serbo-sllav.
Për hir të lexuesve të
nderuar të gazetës "Kosova Sot", më duhet të them këtë të vërtetë:
Pas burgosjes së Hysen Gërvallës (vëllai i Jusufit dhe Bardhoshit), Shefqet
Jasharit (dhëndër i heroit Metush Krasniqit). Abdyl Lahut (dajë i dajës së
heroit Adem Demaçit), Skender Jasharit (djalë i motrës së heroit Adem Demaçit)
etj., si aktivistë të LNÇKVSHJ u rrezikuam të burgosemi unë dhe heroi Jusuf
Gërvalla. Për arratisjen e heroit Jusuf Gërvalla, mund të argumentoj shoku i
ngushtë i heroit Jusuf, Skender Blakaj, ndërsa për arratisjen time deri në kufi
me shtetin shqiptar mund të argumentojnë motra ime Igballi (po ashtu aktiviste
e Lëvizjes) me burrin e saj Fadil Mehmeti, të cilët më çuan nga Prishtina në
Podujevë e prej atje dmth. nga Podujeva e deri në Gjakovë më përcolli Fuat
Hajdini, shok i jetës i vëllait tim Bedri Novosella, deri tek aktivisti i
dalluar i LNÇKVSHJ Mark Mërturi e nga Gjakova e deri në Grudë, në kufi me
shtetin shqiptar, Mark Mërturi me të shoqen Tereza Mërturin. Në Gjakovë na ka
pritur dhe na ka përcjellë Mire Mërturi, bija e Mark Mërturit. Të gjithë këta i
kam pasur dhe i kam miq të jetës.
Po në këtë shkrim lexojmë:
"... Sabri Novosellës qeveria shqiptare duhet t'ia ketë dorëzuar gjatë
vitit 1981 të paktën dy milionë dollarë..."
Pra, vlera ime për Qeverinë
shqiptare paska qenë të paktën dy milionë dollarë. Kishte me qenë mirë të na
tregojë Ibrahim Kelmendi se sa ka qenë vlera e tij si mik i kryepolicit Ademaj
dhe eprorit të Franjo Herleviq, si dorë e zgjatur e konspiracionit antishqiptar
serbo-sllav ? !!! Po në këtë shkrim mësova se me milionat e dollarëve paskam
kontribuar në ndërtimin e Kosovës. Një bashkëpunëtor i ngushtë i heroit Jusuf
Gërvalla, Hafiz Gagica më telefonoi, ashtu si mbi 100 telefonata dhe sms që më
përshëndetën për emisionin në Klan Kosova ku e kam përmendur Ibrahim Kelmendin
dhe më tha: pse nuk e pyete Ibrahim Kelmendin: "Në jetën tënde a ke punuar
vetëm një ditë pune dhe me çka ke jetuar një jetë të tërë?!"
Kommentare
Kommentar veröffentlichen