AAK e cilëson Donikën
pjesë të kuzhinës së Rrahman Morinës!
Prishtinë 16.01.2014
Ndaj intervistës së Donika Gërvallës, bijës
së atdhetarit Jusuf Gërvalla, në emisionin Rubikon të KTV-së, ka reaguar
Aleanca për Ardhmërinë e Kosovës.
“Në të njëjtat vija të atyre që vranë babanë e
saj, Donika Schwartz (mbiemri i nusërisë, pasi martohet me politikanin e CDU-së
Stephan Schwarz, i cili u bë qytetar nderi i Sarajevës për ndihmën që dha gjatë
rrethimit nga serbët këtij qyteti - v.j.), sonte në KTV iu bashkua shpifjeve
dhe ofendimeve të ulëta të kuzhinave ndaj kryetarit Haradinaj dhe AAK-së”,
thuhet në reagimin e AAK-së, në të cilin Donika cilësohet si “pjesë e kuzhinave
që ia kanë vrarë babanë, me apo pa vetëdije”, thuhet në reagimin e AAK-së, i
cili vazhdon me pohimin se “Ramush Haradinaj ka respektuar gjithherë ligjin
vendor dhe ndërkombëtar dhe është i pastër para ligjit. Iu drejtohemi organeve
të ligjit për mbrojtjen e integritetit të njerëzve të Kosovës nga anëtarja më e
re e kuzhinës së Rrahman Morinës dhe nga trashëguesit e JUL-it (E Majta
Jugosllave, parti e themeluar dhe e udhëhequr nga Mirjana Mirkovic, gruaja e
Slobodan Miloseviqit - v.j.)” .Në
Rubikon, Donika Gërvalla akuzon AAK-në. Sipas Ramush Haradinaj dhe njerëz të
tij e kanë kriminalizuar Dukagjinin, ku kanë udhëhequr pothuajse prej
pasluftës.
“Ramush Haradinaj është
kriminel ordiner i pasluftës”, ka thënë ajo
Kommentare
Kommentar veröffentlichen