Gazetari Bozhinovski thotë se Ali Ahmeti organizoi eliminimin e vëllezërve Gërvalla [dokument]

Buxhovi : Akuzuesit e mi janë bashkëpunëtorët më ekstremë të UDB-së

Prishtinë, 22 janar 2014

 Në emisionin “Rubikon” të KTV-së me Adriatik Kelmendin , letrari, publicisti, politikani Jusuf Buxhovi ka thënë se pikërisht ata që e akuzojnë rreth vëllezërve Jusuf e Bardhosh Gërvalla e Kadri Zeka kanë qenë bashkëpunëtorë, madje më ekstremistë  të UDB-së jugosllave.

Buxhovi nuk u pajtua me mënyrën që zonja Donika Gërvalla paraqiti dyshimet për vrasjen para 32 vjetëve në Gjermani të Jusuf e Bardhosh Gërvallës  dhe Kadri Zekës duke shtuar se nuk mund të manipulohet me  emra , as me ata që zonja Gërvalla i përmend të ekzistojnë në hetimet gjermane. Duke folur për këtë  vrasje Buxhoi theksoi se në kohë ka pasur shumë rivalitete politike ndërmjet shqiptarëve në emigracion dhe shtoi se drejtësia gjermane për këtë vrasje ende nuk e ka akuzuar UDB-në.    

Ditë më parë Hysen Gega, nëpër disa portale e kishte akuzuar Jusuf Buxhovin ta kishte marrë në pyetje, në lokale të policisë, bashkë me oficerë serbë të UDB-së për vëllazëri t Gërvalla.

Buxhovi  i hodhi kategorikisht poshtë këto akuza duke  i quajtur shpifje. Ai madje akuzuesit e tij i quajti bashkëpunëtorët më besnikë të UDB-së . Këto akuza kanë filluar pas daljes në skenë të LDK –së thënë Buxhovi dhe ka shtuar se qëllimi i akuzave është njollosja e LDK –së  dhe e veprimtarëve të saj ndër të cilët e llogarit veten. 

 Jusuf Buxhovi foli edhe për LDK –në duke thënë  se me profilin e tashëm politik ajo nuk është në gjendje të udhëheqë shtetin.  Ai i quajti disfatë rezultatet e LDK –së në zgjedhjet e fundit dhe e akuzoi atë për disfatat në Prishtinë e në Prizren, ndërsa shtoi se po e shfrytëzon për keq kultin e Rugovës duke mos  e ditur fare rugovizmin.

Për Ibrahim Rugovën Buxhovi i tha se e ka vendin në histori. Duke folur për periudhën e tij, Buxhovi tregoi për etapat si ato të anëtarësimit të LPK-së në LDK dhe shti se të gjitha zhvillimet në Kosovë e ashtë lidhur me të kanë qenë të mbikëqyrura e të udhëhequra nga SHBA.

AAK –në Buxhovi e quajti parti jo të qytetëruar ndërsa fitues të radhës në zgjedhje e cilësi  AKR-në. 

Kryeministrin e vendit Hashim Thaçi Buxhovi  e cilësoi politikan të pajisur me  despotizëm udhëheqës partiak. Ai , tha Buxhovi, arriti dy marrëveshje me Fatmir Sejdiun dhe Isa Mustafën nga të cilat doli ai fitues. Duke folur për  Vetëvendosjen Buxhovi tha se  tha se është mirë që ajo të mos manipulojë shumë me bashkimin kombëtar.

Lidhur me zhvillimet në fe dhe debatet rreth saj  i ka tejkaluar caqet e fesë.  Buxhovi  tha se feja po instrumentalizohet nga ata që pretendojnë të kenë favore nga ajo dhe shtoi se identiteti kombëtar është primar dhe jo ai fetar .

*******

JUSUF BUXHOVI: NUK KAM QENË NË UDB, SIPAS BND’SË, HYSEN GEGA ËSHTË TERRORIST DHE LPK ISHTE NË NDIKIM TË KGB’SË

 Nga Express: 22 Janar 2014 21:08

Ish-gazetari Jusuf Buxhovi ka mohuar se ka qenë pjesë e UDB’së në kohën sa ka raportuar prej Gjermanisë.

Sipas tij, akuzat e Hysen Gegës janë shpifje.

“Kjo është gënjeshtër. Është shpifje e tmerrshme”, ka thënë Buxhovi në një intervistë televizive.

“S’ka dilemë se është terrorist e marksist leninistë”, ka shtuar ai.

Buxhovi ka thënë se çdo i dyti shqiptarë në Gjermani ka qenë pjesë e UDB’së.

Ai ka thënë se Hysen Gega dhe të tjetër janë pjesë e grupeve terroriste, marksiste leniniste.

Fillimisht, në intervistë, Buxhovi ka thënë se kurrë se ka takuar Gegën, ndërkohë më vonë, ka thënë se e ka takuar këtë njeri, pasi ishte Sekretari i një dege të LDK’së.

Ndryshe, Hysen Gega ditë më parë ka treguar se Jusuf Buxhovi ishte pjesë e Shërbimit Informativ të Jugosllavisë (UDB), institucion ky që ka maltretuar mijëra shqiptarë të Kosovës.

Gega ishte arrestuar më 31 dhjetor 1980 në orët e hershme të mëngjesit dhe hetimet penale kundër tij kanë zgjatur rreth 6 muaj.

“Pothuajse gjatë gjithë kohës së hetimeve më kanë marrë në pyetje Mehmet Lumi dhe Lorenc Selmani. Kah fundi i hetimeve më ka marrë në pyetje edhe Adem Ibrahimi, por në fillim të janarit 1981, data e saktë nuk më kujtohet, po ashtu më ka marrë në pyetje edhe Jusuf Buxhovi”, deklaron Gega.

Jusuf Buxhovi: Vrasja e Jusuf Gërvallës lidhet edhe me përplasjet e KGB’së dhe CIA’s në Gjermani

Jusuf Buxhovi, ish-gazetar dhe ish-themelues i LDK’së ka folur për vrasjen e Jusuf e Bardhosh Gërvallës e Kadri Zekës.

Ai ka thënë se CIA e Amerikës dhe KGB’ja e Rusisë janë përplasur në Gjermani dhe vrasja e tyre ka mundur të ketë edhe viktime e këtyre përplasjeve.

“Ka ekzistuar një konfrontim i grupeve marksist leniniste në Gjermani. Z. Gërvalla më shumë ka qenë viktime e këtyre përvijimeve”, ka thënë ai.

“Ka pasur edhe mes shqiptarëve. Këto janë të dhëna të gjermaneve, të BND’së”, ka shtuar ai.

Buxhovi ka thënë se s’duhet ngutur të flasin për autorët e vrasjes së Jusuf Gërvallës pa e thënë fjalën drejtësia.

“Shumë informata të shërbimit informativ gjerman dhe shërbimeve tjera tregojnë se ka pasur një luftë mes grupeve marksist leniniste”, ka thënë ai.

“Duket se vrasje ka të bëjë edhe me këtë kompleksitet. Gjermania ka qenë poligon i gupeve marksist leniniste”, ka shtuar ai.

Buxhovi ka folur edhe për Lëvizjen Popullore të Kosovës, e cila kishte themeluar Ushtrinë Çlirimtare të Kosovës.

Prej vitit 1990 deri ne vitin 1993 Buxhovi ka thënë se edhe LPK’ja ishte bërë anëtare kolektive e LDK’së.

“Për pranimin e LPK’së kanë insistuar amerikanët. Edhe grupet marksist leniniste amerikanët kanë insistuar të futen në LDK”, ka thënë ai.

“Në vitin 1993 hoqen dorën ato grupet në Zvicër e Gjermani. Dikur themeluesit e LDK’së filluan t’i quajnë anëtar të UDB’së”, ka shtuar ai.

Buxhovi ka thënë se amerikanët përpos me LDK’në kanë bashkëpunuar edhe me lëvizjen ushtarake për ta quar përpara ndërtimin e shtetit të Kosovës.

Sipas tij, LDK s’ka fituar në zgjedhjet e fundit pasi ka pësuar fiasko në Prishtinë, në qendrën më të madhe të Kosovës.

“LDK s’ka mundur të fitoj as Prizrenin e Gjakovën”, ka shtuar ai.

Sipas tij, LDK s’mund të jetë alternativë pasi ka shumë probleme të mëdha të brendshme.

”LDK nuk e ka profilin e një parti për të udhëhequr Shtetin. Sa e shoh ka shumë pak dallim prej PDK’së e LDK’së në shumë segmente të jetës”, ka shtuar ai.

Buxhovi ka thënë se Lideri i PDK’së ka sjellje prej despoti.

“Hashim Thaçi ka sjellje despotike”, ka shtuar ai.

Për Vetëvendosje, Buxhovi ka thënë se është duke manipuluar me qytetarët e Kosovës duke përdor parulla kundër shtetit të Kosovës.

Haradinajn dhe AAK’në e ka quajtur parti jo të qytetëruar.