Ibrahim Kelmendi: z. Gjini kërkoni falje Donikës
17.01.2014
Zotëri Gjini, patjetër
ndjejë më shumë se sa vetëm obligim qytetar për të ju informuar se Zonja Donika
Gërvalla në momentin kur na ndodhi tragjedia cfilitëse, ishte Vajzë rreth
10-vjeçare, me edukatë dhe mirësjellje vërtet të mrekullueshme; brenda 5-6
muajve e ka mësuar gjuhën gjermane në ato përmasa, sa të flitej në shkollë për
një dhunti prej gjenie, ndërsa në fund të vitit është shpall nxënësja më e
mirë. Gjatë ceremonisë mortore ka shfaqje paraqitje hyjnore, duke mrekulluar
secilin pjesëmarrës në atë mort të rëndë.
Një si tjetërsim dhe disa
lajthitje të saja në Tiranë dhe pastaj, sidomos karshi meje, duhet të kenë qenë
pasojë e luftës speciale të UDB-së, mjeshtërisht e orkestruar. Fushatën
diskredituese dhe denigruese që ka përhap kundër meje e kam përballuar duke
qenë i bindur se ajo ishte viktimë e luftës speciale të UDB-së, në njërën anë,
dhe e pazotësisë së bashkëveprimtarëve të Jusufit për t’u siguruar fëmijëve të
Tij rrojtje e mbrojtje më të dinjitetshme.
Duke u bazuar në respektin
dhe konsideratën e lartë që kam për Ju, Zotëri Gjini, do të ju lutesha të
kërkoni falje publike, sepse ky diskreditim që i keni bërë Heroit Jusuf
Gërvalla me ka hidhëruar deri në palcë, sepse e vërteta ka qenë siç e shpjegova
më lartë.
Gjithashtu për Zonjën
Gërvalla më vjen keq që ka bërë sulme vulgare diskredituese dhe dinigruese ndaj
Zotëri Ramush Haradinajt, sepse i ka kapërcyer brutalisht normat demokratike të
luftës partiake për pushtet.
Uroj që Zotëri Haradinaj,
Komandant i shquar i Luftës Çlirimtare të UÇK-së, të përballoj me urtësi këto
sulme kaq të rënda, për hir të respektit të madh ndaj Heroit Jusuf Gërvalla.
Paraprakisht ju falënderoj
për mirëkuptim.
Kommentare
Kommentar veröffentlichen